બા એટલે કરકસર ની દેવી
પણ ભણવા માટે કરકસર નહિ
બા ના ગુસ્સ્સામાં પણ પ્રેમ નીતરે
બા ના મારમાં પણ નર્યો પ્રેમ
બાએ મને ક્યારેય ભૂખ્યો નથી રાખ્યો.. બા એટલે બા ....
બા એટલે ઊર્મિનો સાગર
બા એટલે અંતરની અનુભૂતિ
બા એટલે બળબળતા વાયરામાં
પણ મીઠી મઝાની નીંદર ...
બા એટલે ખળખળ વહેતું અમી ઝરણું
પાપી પણ તેમાં ડૂબકી દઈને મુક્ત થાય બા એટલે બા ....
બા એટલે દયાની દેવી ..
બા એટલે સંતાનનું સુખ માટે
જિંદગી સમર્પણ કરતી માતા
બા એટલે ભગવાનની અમૂલ્ય ભેટ. બા એટલે બા ....
બા એટલે દુનીયાની પહેલી
જીવતી અને જાગતી અજાયબી
બાકી બધી એમના પછી આવે
બા તો ભગવાન ને પણ
એમની રીતે ઉઠાડે નવડાવે
રમાડે જમાડે ને સુવાડે
ભગવાન પણ ચુપચાપ બધું કરી લે
બા પાસે એમનું પણ ન ચાલે. બા એટલે બા .....
બા એટલે મારી કવિતા ની પ્રેરણા
બા એટલે કવિતા ની શુરુઆત
મધ્યાંતર અને અંત ,
બા એટલે અલ્પવિરામ અને
બા એટલે જ પૂર્ણવિરામ. બા એટલે બા ....
"જીવ" અજબ છે આ બા !
કોણે બનાવી આ બા?
ભગવાનને જયારે લાગ્યું કે
હું બધે નહિ પહોંચી વળું ૨૪/૭
એટલે મોકલી આપણી પાસે
" જીવ "સવાલ એ નથી કે
બાએ શું કર્યું આપણે માટે ?
આપણે શું કર્યું બા માટે ?
- જીતેશ શાહ 'જીવ'
No comments:
Post a Comment