એક વેળા તેં મને ચાહ્યો હતો એ વાતને ભૂલી ન જા,
આપણે પર્વતને પણ તોડ્યો હતો એ વાતને ભૂલી ન જા.
તેં જ તો આકાશ ફાડયું, તું જ ચમકી, ઝરમરી, વરસી પડી,
હું જ એ વરસાદમાં નાહ્યો હતો એ વાત ને ભૂલી ન જા.
તું હલેસાં શ્વાસનાં લઈ નીકળી’તી કેટલા ઉત્સાહથી !
ને મને દરિયો ગણી ખેડ્યો હતો એ વાતને ભૂલી ન જા.
તેં ભલે ને સાવ અમથો માર્ગ બદલાવ્યો હશે, તો પણ અહીં-
એક આખો કાફલો તુટ્યો હતો એ વાત ને ભૂલી ન જા.
એક ક્ષણમાં આ બધું ભૂલી જશે તો છે તને અધિકાર, પણ-
એક વેળા તેં મને ચાહ્યો હતો એ વાત ને ભૂલી ન જા.
- શ્રી હર્ષદ ત્રિવેદી
awesome dude, very nice blog and keep entertaining our gujjus...
ReplyDeletehope dubai is fine....
wc ntk?s papa
cooool man !!!
ReplyDelete