અનુકૂળ જ્યાં દિશા આવી

અનુકૂળ જ્યાં દિશા આવી, પ્રતિકૂળ ત્યાં હવા આવી;
એ કેવી દુર્દશા મિત્રો, કે શત્રુને દયા આવે.
અનુકૂળ જ્યાં......

નજર થાકી, કદમ થાક્યાં, ને હૃદય પણ થાકવા આવ્યું;
મને તો એમ લાગે છે, કે રમત પૂરી થવા આવી.
અનુકૂળ જ્યાં......

જીવનમાં તો મળી નહોતી, કદી ફૂરસદ ઘડીભરની;
મરણ આવ્યું, કરો આરામ, કે લાંબી રજા આવી.
અનુકૂળ જ્યાં......

સમયના સેંકડો તોફાનો વચ્ચે પણ અડીખમ છે;
‘અમર’ અમ નાવની વહારે, કિનારેથી દુઆ આવી
અનુકૂળ જ્યાં......

- ‘અમર’ પાલનપુરી

No comments:

Post a Comment


પ્રિય મિત્રો,
    જો આપ આપની રચના મારા બ્લોગ પર મુકવા ઈચ્છતા હોય તો આપ શ્રી આપની રચના મને મારા મેઇલ આઈડી kirankumar.roy@gmail.com પર મોકલી શકો છો.

કિરણકુમાર રોય

(જો આ બ્લોગ પર કોઈ ને કોઈ જોડણી ની ભૂલ જણાય તો મહેરબાની કરી મારું ધ્યાન દોરશોજી.. હું સત્વરે એ ભૂલને સુધારીશ..)