હું હાથને મારા ફેલાવું, તો તારી ખુદાઇ દુર નથી,
હું માંગુ ને તું આપી દે, એ વાત મને મંજુર નથી.
શા હાલ થયા છે પ્રેમીના, કહેવાની કશી ય જરૂર નથી,
આ હાલ તમારા કહી દેશે, કાં સેંથીમાં સિંદુર નથી?
આ આંખ ઉધાડી હોય છતાં, પામે જ નહીં દર્શન તારા,
એ હોય ન હોય બરાબર છે, બેનુર છે એમાં નુર નથી.
જે દિલમાં દયાને સ્થાન નથી, ત્યાં વાત ન કર દિલ ખોલીને,
એ પાણી વિનાના સાગરની, ‘નાઝીર’ને કશી ય જરૂર નથી.
- નાઝીર દખૈયા
કીરણભાઇ નમસ્કાર,
ReplyDeleteખુબજ સરસ, આ ગઝલ ની audio,video,mp3 સ્વરુપે મલી શકે ખરું,મે ઘણા વખત પહેલા આ ગઝલ સાંભળેલી હતી, કદાચ નીરંજન પંડ્યા ના સ્વર માં હતી, પરંતુ મને ક્યાંય મળતી નથી.
નમસ્કાર યોગેશભાઈ,
ReplyDeleteખુબ ખુબ આભાર તમારો. તમે મને તમારું ઈમેલ આઈડી આપો. હું તમને આ ગઝલ મોકલીશ.
તમે મને kirankumar.roy@gmail.com પર મેલ કરી શકો છો.
આભાર.