રૂમાલમાં ગાંઠ - મરીઝ

ખબર પડી કે છૂટી જાશે આજકાલમાં ગાંઠ;
હ્રદયને ભૂલી ગયા, વાળીને રૂમાલમાં ગાંઠ.

ન દિલમાં ગૂંચ છે કોઈ, ન છે ખયાલમાં ગાંઠ;
પણ એની સામે રહે છે બધા સવાલમાં ગાંઠ.

નજર અમારી તો ઊંચી છે, અમને જાણ નથી,
કે કોણ બાંધી ગયું છે અમારી ચાલમાં ગાંઠ.

ન શ્વાસ સહેલથી ખેંચાય છે, ન દમ નીકળે,
ગળામાં કેવી આ બાંધી તમે વહાલમાં ગાંઠ!

પણ એને ખોલવાની નવરાશ છે ન હિંમત છે,
મને ખબર છે કે ક્યાં ક્યાં છે મારા હાલમાં ગાંઠ.

અહીં સમયના સકંજાથી કોણ છૂટે છે?
ઘડી ઘડીની પડેલી છે સાલ સાલમાં ગાંઠ.

તમારી યાદના ફેરાઓ કેવા મંગળ છે!
હજાર બાંધીને છોડી દીધી ખયાલમાં ગાંઠ.

જીવનની દોરી ઉભયની બહુ નિકટ થઈ ગઈ,
પડી જવાની હશે એમાં આજકાલમાં ગાંઠ.

‘મરીઝ’ ગાળીને એમાં જ પી રહ્યા છો શરાબ,
કદી ન પીવાની વાળી’તી જે રૂમાલમાં ગાંઠ?

- મરીઝ

હકદાર લાગે છે – ગની દહીંવાલા

નર્યું પાણી જ મારા દર્દનો ઉપચાર લાગે છે,
રડી લઉં છું, મને જ્યારે હૃદય પર ભાર લાગે છે.

દિવસ તો જિંદગીના આંખ મીચીને કપાયા પણ,
ઉઘાડી આંખથી રાતો કપાતાં વાર લાગે છે.

મને બેસી જવા કહે છે, ઊઠે છે દર્દ જ્યાં દિલમાં,
હૃદયમાં દર્દ-રૂપે દર્દનો દેનાર લાગે છે.

હૃદયની આશને ઓ તોડનારા ! આટલું સાંભળ,
કમળ આ માનસરમાં ફક્ત એક જ વાર લાગે છે.

રુદનની ભીખ માગે છે પ્રસંગો જિંદગાનીના,
કરું છું દાન તેને જે મને હકદાર લાગે છે.

સનાતન રૂપ મારી કલ્પનામાં પણ નહીં આવ્યું,
જીવન કવિતા ! મને તું બુદ્ધિનો વ્યાપાર લાગે છે.

‘ગની’ વીતેલ જીવનનાં સ્મરણ તાજાં થયાં આજે,
ફરી ખખડાવતું કોઈ હૃદયનાં દ્વાર લાગે છે.

– ગની દહીંવાલા

નથી કોઈ તારામાં વિધી મદિરા...

નથી કોઈ તારામાં વિધી મદિરા,
ગમે ત્યાં ગમે ત્યારે પીધી મદિરા.

હતી મારી તું પ્રતિનિધી મદિરા,
બધામાં તને આગે કીધી મદિરા.

અમે તારા ભક્તો અમે બહાર રહીએ?
જગા સ્વર્ગમાં તેં તો લીધી મદિરા.

નથી પાપ તુજમાં કે અગ્રિ પરીક્ષા,
સરળતાથી તેં પાર કીધી મદિરા.

સતત થઈ રહ્યાં છે સુરાલયના ફેરા,
નિરાંતે કદી મેં ન પીધી મદિરા.

ગળેથી જ્યાં, ઊતરી કે તોફાની થઈ ગઈ,
હતી જામમાં સાવ સીધી મદિરા.

નશામાં બધી વાત કરવી જ પડશે,
અમારી છે તું પ્રતિનિધી મદિરા.

'મરીઝ' એની ન્યામતનું શું પૂછવાનું?
ફળોમાં, અનાજોમાં દીધી મદિરા.

સ્રોત

પ્રજાસત્તાકદિનની શુભકામનાઓ - ૨૦૧૧

સૌ વાચક મિત્રોને
પ્રજાસત્તાકદિનની ખુબ ખુબ શુભકામનાઓ..
કિરણકુમાર રોય, હેત્વી સોની

ગુજરાતી કેલેન્ડર ૨૦૧૧

જાન્યુઆરી ૨૦૧૧



જુના વર્ષના કેલેન્ડર માટે અહી ક્લિક કરો..

ફેબ્રુઆરી ૨૦૧૧



જુના વર્ષના કેલેન્ડર માટે અહી ક્લિક કરો..

માર્ચ ૨૦૧૧



જુના વર્ષના કેલેન્ડર માટે અહી ક્લિક કરો..

એપ્રિલ ૨૦૧૧



જુના વર્ષના કેલેન્ડર માટે અહી ક્લિક કરો..

મે ૨૦૧૧



જુના વર્ષના કેલેન્ડર માટે અહી ક્લિક કરો..

જુન ૨૦૧૧



જુના વર્ષના કેલેન્ડર માટે અહી ક્લિક કરો..

જુલાઈ ૨૦૧૧



જુના વર્ષના કેલેન્ડર માટે અહી ક્લિક કરો..

ઓગષ્ટ ૨૦૧૧



જુના વર્ષના કેલેન્ડર માટે અહી ક્લિક કરો..

સપ્ટેમ્બર ૨૦૧૧



જુના વર્ષના કેલેન્ડર માટે અહી ક્લિક કરો..

ઓક્ટોબર ૨૦૧૧

લખી દઉં - કિશોર જીકાદરા (ગાંધીનગર)

ધારું તો હું શ્વાસ ઉપર ‘હે રામ’ લખી દઉં,
પરપોટાનું ચપટીમાં અંજામ લખી દઉં.

ને બંધ બેસતા શબ્દ વિષે જો કોઈ પૂછે,
કાતિલના ખાનામાં ખુદનું નામ લખી દઉં.

કલમ મહીં મેં કેફ ભર્યો છે ઘૂંટી ઘૂંટી,
બેપરવા થૈ જાત પરે બેફામ લખી દઉં.

નામ થવાની આખી ઘટના મોઘમ રાખું,
બદનામીની વાતો બે મુદ્દામ લખી દઉં.

જ્યારે ત્યારે કહેવાના કે ઘર મારું છે,
સોનાની આ લંકા લો અભરામ લખી દઉં.

કાગળ પર તો આજ સુધી મેં ખૂબ લખ્યું,
ઊભે મારગ પગલાંનો પયગામ લખી દઉં.

ખોવાયેલી ખૂશ્બુથી મેળાપ કરાવો,
રાજીપામાં આખેઆખું ગામ લખી દઉં.


– કિશોર જીકાદરા (ગાંધીનગર)

સ્ત્રોત : ગુજરાતી ગઝલ^TM પરથી

ગઝલાક્ષરી - 5

જીવનમાં બને એવા ય બનાવ;
સાવ અમસ્તો થઈ જાય તનાવ.
નટવર મહેતા

જીવનમાં બને એવા ય બનાવ;
કારણ વગર થઈ જાય અણબનાવ!
- મહેન્દ્ર શાહ.

*****

નથી આવડતું નટવર લખતા તને;
હવે કોઈ બીજા પાસે કંઈ લખાવ.
- નટવર મહેતા

નથી આવડતું નટવર લખતા તને;
તો તારી ગઝલનું રહસ્ય મને બતાવ!
- મહેન્દ્ર શાહ.

*****

સ્પર્શની એક મજા છે એ દોસ્તો;
સુંવાળા સ્પર્શથી ય રૂઝાય ઘાવ.
- નટવર મહેતા

સ્પર્શની મજા ચખાડીને આમ તું ના મને ડુકાવ;
સુંવાળા એ ક્ષણિક સુખથી ના તું મને સતાવ!
- મહેન્દ્ર શાહ.

*****

ધનદોલત, રૂપ, યૌવનને શું કરવું;
મને તો જોઈએ માત્ર પ્રેમનો ભાવ.
- નયન પંચાલ

છતાં નયન બધા આના જ ભૂખ્યા છે;
આમ ખોટું બોલીને ના તું મને નચાવ!
- મહેન્દ્ર શાહ

સ્ત્રોત : મારા મેઈલ બોક્ષમાં થી.. મહેન્દ્રભાઈ પાસે થી પરવાનગી મળેલ છે... આ ગઝલાક્ષરી માં થી અમુક હિન્દી અને અંગ્રેજી પંક્તિઓ કાઢી નાખેલ છે..

અદા - કુશલ "નિશાન" દવે

કાતીલ છે તમારી અદા એ વાત ધ્યાનમાં રાખો;
હવે મારી જાન લઇને જ છુટશે થોડી તો દયા રાખો.

પાગલ છું આ અદાનો દિવાનો પણ છું;
હવે આ અસહ્ય પ્રેમની થોડી તો કદર રાખો.

નહિ જુઓ સામે તો હું જ મરી જઈશ;
થોડો પ્રેમ જતાવીને કાજળના કણમાં તો રાખો.

વર્ષોથી છે પ્રેમ જે આજેય સુકાણો નથી;
આ પ્રેમની ભીનાશને થોડી તો સમજણમાં રાખો.

કાંઇતો કહેવું હશેને તમારે મારા પ્રેમ વિશે;
તમેય મખમલી પ્રેમનો જવાબ તૈયાર રાખો.

"નિશાન" તને ખબર છે કે તે તને પ્રેમ કરે છે?
શું? કહી શકીશ કે તમે ફક્ત 'હા' તૈયાર રાખો.

- કુશલ "નિશાન" દવે

સ્ત્રોત : "ક્ષિતીજનો સ્પર્શ" પરથી

દિલમાં વ્યથા આખી ઉમર લાગી - મરીઝ

ફકત એ કારણે દિલમાં વ્યથા આખી ઉમર લાગી.
કે મારી બદનસીબીથી મને આશા અમર લાગી.

ઘડીભરમાં તને પણ એની સંગતની અસર લાગી
તને પણ પાછા ફરતા એક મુદ્દત નામાબાર લાગી.

ન મેં પરવા કરી તેનીય એણે નોંધના લીધી.
મને તો આખી દુનીયા મારા જેવી બેકદર લાગી.


ઝરણ સુકાઈને આ રીતથી મ્રુગજળ બની જાએ
મને લાગે છે એને કોઈ પ્યાસાની નઝર લાગી

હવે એવું કહીને મારુ દુ:ખ શાને વધારો છો.
કે આખી જીંદગી ફીકી મને તારા વગર લાગી

હતો એ પ્રેમ કે વિશ્વાસ પણ તારી ઉપર આવ્યો.
ને શંકા કદી લાગીતો એ તારી ઉપર લાગી.

ઘણા વરસો પછી આવ્યા છો એનો એ પૂરાવો છે
જે મેહંદી હાથ ને પગ પર હતી એ કેશ પર લાગી.

બધા સુખદ અને દુ:ખદ પ્રસંગોને પચાવ્યો છે
પછી આ આખી દુનીયા મારું દીલ લાગી, જીગર લાગી.

અચલ ઈન્કાર છે એનો 'મરીઝ' એમાં નવું શું છે?
મને પણ માંગણી મારી અડગ લાગી, અફર લાગી.

- મરીઝ

સ્ત્રોત આત્મા પરથી

નથી શકતો - બરકત વિરાણી 'બેફામ'

જીવન ને સ્વપ્ન માનું છું, મગર ત્યાગી નથી શકતો,
છું એવી જાગ્રુતિમાં કે વધુ જાગી નથી શકતો,

ફુલો વચ્ચે ઓ માર પ્રાણ, વાયુ જેમ ફરજે તું,
કે વાયુને કોઈ કાંટો કદી વાગી નથી શકતો,

જગતને તેજ દેવા હું સુરજની જેમ સળગું છું,
છે એક જ દુઃખ કે હું સુખના દિવસ માગી નથી શકતો,

અલગ રાખી મને મુજ પર પ્રણયના સૂર ના છેડો,
વીણાનો તાર છૂટો હોય તો વાગી નથી શકતો,

બૂરાઓને અસર કરતી નથી સોબત ભલાઓની,
ફૂલોનો રંગ કાંટાને કદી લાગી નથી શકતો,

ગુમાવેલા જીવનનાં હાસ્ય તો પાછાં મળે ક્યાંથી ?
જમાનાએ લૂંટેલા અશ્રુ પણ માગી નથી શકતો,

ગમે ત્યારે ગમે ત્યાં મેઘ વરસી જાય છે જગમાં,
રુદન ને કાજ કોઈ પણ નિયમ લાગી નથી શકતો,

જગતના ઘાવ સામે તું અડગ થઈને રહે “બેફામ”
કે પર્વતને કોઇ પથ્થર કદી વાગી નથી શકતો.

- બરકત વિરાણી 'બેફામ'


સ્ત્રોત ગુજરાતી કવિતાઓ પરથી