જાતની સાથે જ સોબત થઇ ગઇ.
એકલા રહેવાની આદત થઇ ગઇ.
એક આંસુ કો’કનું લૂછી દીધું,
જો ખુદા કેવી ઇબાદત થઈ ગઈ.
આયના સામે કશા કારણ વગર,
આજ બસ મારે અદાવત થઇ ગઇ.
શબ્દ ખુલ્લે આમ વહેંચ્યો છે બધે,
કેવડી મોટી સખાવત થઇ ગઇ.
એમણે પીડા વિશે પૂછ્યા પછી,
કેટલી પીડામાં રાહત થઈ ગઈ.
કાલ મન ઉજજડ હતું પણ આજ તો,
કૈંક સ્મરણનો વસાહત થઇ ગઇ.
- ઉર્વીશ વસાવડા
Showing posts with label ઉર્વીશ વસાવડા. Show all posts
Showing posts with label ઉર્વીશ વસાવડા. Show all posts
Subscribe to:
Posts (Atom)